Ĉu la (ne)perfekteco de Esperanto gravas?

Multe da homoj diras, ke esperanto ne estas perfekta kaj estas plibonigebla.

Ili pravas. Mi ankaŭ ŝatas aliajn planlingvojn, kiel Interlingvao kaj Nova Lingvafrankao.

Estas multe da trajtoj de Esperanto, kiuj plibonigeblus (kiujn ofte oni jam proponis ŝanĝi):

  • La akuzativo (forigi ĝin aŭ nedevendigi ĝin)
  • La ĉapelitaj literoj
  • La vortaro povus pliraciiĝi (eble…)
  • La lingvo povus ŝajni pli nature (almenaŭ por Eŭropanoj – sed tio tute ne objektivas)
  • Ni povus kunigi la –e kaj la –a vortojn en nur unu kategorio.
  • Pli radike: ni povus uzi precipe bazvortojn (radikojn) kun nur malmulte da pre/sufiksoj (kiel en Nova Lingvafrankao).

Sed tio tute ne gravas.

Gravas pli, laŭ mi, ke:

  • Esperanto, kaj nur ĝi inter artefaritaj lingvoj, havas veran komunumon. Homoj uzas ĝin!
  • Ĝi estas ĉiumaniere multe pli facila ol naciaj lingvoj.
  • Ĝi estas jam kaj delonge uzita kiel lingvafrankao egaleca!

Kaj tio ja gravas!

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *